बाजी

रुद्राचा अवतार प्रकटला,

पावन झाली माती माझी

चंडी ची तलवार होऊनी

कडाडला शत्रूवर बाजी

दहा दिशातुन वीज कोसळे

काळोखाच्या छातीवरती

रक्ताचा अभिषेक घातला

स्वातंत्र्याच्या सूर्यावरती

अजस्त्र लाटा घेऊन आले 

बाणांचे वादळ ते जहरी

निधडी छाती झेलुन गेली

हसुन तयांना अष्टौप्रहरी

सडा सांडला रक्ताचा अन

श्वासांचा त्या खिंडीपाशी

तिथे वाहिली गंगा, झाली

ती या स्वातंत्र्याची काशी

अजूनही जयघोष शिवाचा

डोंगर वाटांतुन त्या घुमतो

तांडव करणारा तो बाजी

अजूनही मातीतुन दिसतो

आदित्य